Mətbəxdə yerləşmə

Mətbəxin necə dizayn ediləcəyini bilmək daim inkişafda olan bir öyrənmə prosesidir, çünki mətbəximizi necə istifadə etdiyimiz daim dəyişir. 

Bir zamanlar yalnız bir insanın yemək bişirə bilməsi ilə məhdud olan mətbəxlər indi vaxtınızın çox hissəsini keçirdiyiniz, rahat yemək bişirib və yeyə biləcəyiniz bir məkandır. Mətbəxdə rahat hərəkət etmək oradakı mebelin yığılmasından asılıdır.Buna görə də mətbəxi diqqətlə dizayn etmək vacibdir.

İlk öncə mətbəxdə yemək hazırlama, bişirmə və qabların yuyulması bölmələri bir-birinə yaxın yerləşdirilməlidir.

 Rahat manevr etmək üçün mətbəxdə kifayət qədər boş yer sahəsi qoyulmalıdır, bunun üçün də döşəmənin ölçüsünü dəqiq bilib ona görə mebel quraşdırmaq lazımdır.

Mebel tərtibatınızda qabyuma bölməsi, soyuducu, qaz plitəsi və sobanı bir-birinə yaxın yerdə konfiqurasiya etməyə çalışın.

 Sobanın yanında kabinə və ya çəkməcəli dolabların olması daha məntiqlidir, burada  yemək bişirmək üçün yağ, tava və qazanların yerləşdirilməsi sizə rahat olsun. Ölçüləri daha böyük  olan dolabları yuxarıda yerləşdirmək əşyaların depolanması baxımından əlverişlidir.

 Standart ölçülü soyuducu, soba və qabyuyan maşın üçün 60 sm genişlikdə boş məkan saxlamaq lazımdır. Lakin bu ölçülər dəyişə bilər. Məsələn, 76 sm soba üçün, 90 sm soyuducu üçün saxlamaq olar

Mətbəx dəzgahının ölçüləri fərdi seçimdən asılı olsa da yemək bişirmə və qabyuma bölməsindən ən az 60 sm məsafədə olmalıdır. 

Havalandırma sistemlərindəki texnologiya da xeyli inkişaf etmişdir, beləliklə divar və tavana asılan , dolabda gizlənmiş başlıqlar, sobanın arxasında düzəldilmiş qurğular və inteqrasiya olunmuş havalandırma plitələri arasında seçim edə bilərsiniz.